Selskap i historiske Steinfjøset
På leit etter romantiske bryllupslokal eller ei særprega rame kring konfirmajon eller venelag for inntil 40 personar? Makan til steinfjøset på Brendjord finn du garantert ikkje i fjell eller fjord.
Fjøset på Brendjord er murt opp med stein og høyrde opphaveleg til nabogarden. Bygningane i det som på folkemunne er kalla Brendjordsbyen står likevel så tett at steinfjøset i praksis er del av tunet til Kjersti og Tronn. Etter at vertskapet fekk kjøp fjøset og grunnen det står på, er store delar av det som i fleire hundre år var tre gardstun på ny samla til eitt.
I dag har dyra flytt inn i ny driftsbygning, og steinfjøset er gjort om til selskapslokal og gardsbakeri med vedfyrt steinomn. Lokalet høver godt til både små lag og større selskap for inntil 40 personar.
Merkedagar og minnerike kveldar er viktige for både vertskap og gjestar i Brendjordsbyen. Difor er det viktig for oss å bruke ekstra god tid på deg og dine både før og under arrangementet. Så slepp du tenkje på anna enn å nyte dagen i lag med gjestane dine. Vi set gjerne saman ein meny skreddersydd for laget ditt.
Og du, kvifor ikkje sette av litt ekstra god tid i fjellheimen? Bli ein dag eller to ekstra og by dine næraste på opplevingar i og rundt Lesja? Vi viser gjerne veg til små og store bygdeeventyr.
Vi viser deg gjerne veg til små og store bygdeeventyr.
Vi hjelp deg skreddersy selskapet ditt
Brendjordsbyen
Velkomen inn i ei annan tid – toppa med moderne komfort.