I eventyrlege Brendjordsbyen på Lesja har vertsfamilien Flittie entusiastisk restaurert ti tømmerhus kring eit historisk gardstun. Krinsa av storslått fjellheim omfamnar freda stabbur gjestar fylde med opplevingar – og fersk bakst frå glødande steinomn.
Velkomen til gards og til bords.
KVILE
Århundregamle tømmerveggar. Florlette dyner. Mjuke saueskinn. Lukta av grøderik fjellheim. I Brendjordsbyen treng du ikkje drøyme deg burt – du vaknar i draumen.
EVENTYR
Midt i fjellheimen – tett på Fjord-Noreg. Frå Brendjordsbyen ligg både fjell og fjord stutt veg frå dørstokken – om du då ikkje vel å la humla suse med fersk bakst og ungane i leik på tunet.
SELSKAP
Dåp, konfirmasjon, bryllup, jubileum og gravøl. Gjennom historia har Brendjordsbyen vore rame kring kvardag og høgtid for låg og høg.
GARDSBAKST
Ved. Mjøl. Vatn. Kjærleik. I Brendjordsbyen er vegen frå jord til bord så stutt at vi tek oss god tid til sjølve baksten. Du kjenner det på smaken.
OM OSS
Vertskapet Kjersti og Tronn måtte leggje seg med lue og vottar medan musefellene small: – Vi syntest vi hadde kjøpt draumestaden.
OM OSS
Vertskapet Kjersti og Tronn måtte
leggje seg med lue og vottar medan
musefellene small: – Vi syntest vi
hadde kjøpt draumestaden.