Gardsovernatting

Frå gamalt sto kring 30 hus tett i tett i det som på folkemunne blir kalla Brendjordsbyen. I århundrer var garden delt i tre einingar. No er store delar av det opprinnelege tunet samla og restaurert til ein unik overnattingsstad med 20 senger, selskapslokal og bakeri – eit heilt gardshotell om du vil.

Himmelsengrommet er toppa med hems med ytterlegare to romslege enkeltsengar.

Heilt attende til vikingtida har dei solide husa i Brendjordsbyen gitt ly og kvile for farande og fastbuande.

I dag kan du la angen av fjellbygd og tømmer frå 1700-talet hviske deg i søvn – og dufta av fersk omnsbakst vekke deg til nye eventyr.

På garden går kvardagen sin gang for to- og firbeinte medan du bur her. Kring tunet finn ungane leikne husdyr. Vil dykk på Norgesferie i fjell og fjord, kan du knapt sjekke inn meir sentralt.

Brendjordsbyen ligg aller øvst i Gudbrandsdalen og Romsdalen. Eit ypparleg utgangspunkt både for deg som treng ein plass å overnatte når du er på veg frå aust til vest, og for deg som er på
oppdagingsferd i Fjell- og Fjord-Noreg.